Khualtlawng 82 Nunhim Tein a Tumpitu Mandalay Vanlawng Mong Upatnak an Pek| Video

| The Chin Journal | Hakha, Chin State

Nihin zinglei sml. 9:00 hrawng ah Yangon in Mandalay ah a zuangmi khualtlawng vanlawng cu Mandalay International Airport a tum lio ah accident a tong nain khualtawng vialte khawndennak um loin an him, tiah theih a si.

Hi vanlawng hi Myanmar National Airline (MNA) nih a ngeihmi a si i, Mandalay Airport a tum hlan ah a datsii a dih pin ah a hmailei kee a chuah kho ti lo.

Asinain, vanlawng mongtu nih tha tein a tumter khawh pin ah vanlawng chung riantuantu hna zong nih mipi him tein an um nakhnga an kilkawi khawh hna caah upatnak an pek hna hi a si.

Vanlawng chung ah khualtlawng minung 82 le vanlawng mongtu U Kyaw Moe Aung telh in riantuantu 7 an i cit hna.

Khualtlawng pawl nunnak him tein an kilven khawh hna caah Mandalay ramthen vuancichoh Dr. Zaw Myint Maung pumpak nih riantuantu pawl cu a ton hna i upat a pek hna, tiah theih a si.

-Popular News Journal

Latest News