Khrihfa in ah Muslim Pawl Pumhnak an Tuah Lio Hmanhthlak Ceihcum a Tam

| The Chin Journal | Hakha, Chin State

Malaysia ram ah Muslim pawl nih Khrihfa innchung ah pumhnak an tuah lio hmanthlak cu naite ah online ah a hun kai i, a phunphun in cu hmanthlak kong cu an chimrel cio hna.

Pumhnak an tuahnak innchungkhar hi Khrihfa an si ko. Asinain, Islam biaknak ah aa thialmi an fapa nih naite ah khan a thihtak hna.

Cucaah, a nunnak a liammi an fapa ca ah Islam phunglam in thlacamnak tuahpiak ding in Tuaran khua ah a ummi Kent Teachers Training College saya Muhammad Uzzair cu an sawm i, atu bantuk in Muslim nih thlacamnak an tuah hi a si.

Hi hmanthlak a hmutu Malaysia ram Muslim tampi nih Khrihfa innchungkhar cu an thangthat ngaingai hna.

Ngaihchiatnak a tongmi Khrihfa inn ah thlacamnak a tuahtu Muhammad Uzzair nih, “Biaknak le miphun i dannak nih hin thiltha tuahnak ca ah a kan kham awk a si lo. Biaknak nih cun pakhat le pakhat i dawt ding in a kan cawnpiak,” tiah a chim.

-WOB

Latest News