/

Khrihfa Biakinn ah Muslim Pa nih Minung Pathum a Thah Hna

The Chin Journal | Hakha | Chin State

France ram, Nice khua i Notre Dame tiah theihmi Khrihfa Biakinn ah Muslim pa nih nihin October 29 ah minung pathum a thah hna, tiah theih a si.

Thah a tong minung pathum lak ah pakhat hi Notre Dame biakinn zohkhenhtu rian a ttuanmi (Warden) a si.

A dang pakhat hi nu a si i, Muslim pa nih thah ding in a zuan hnawh lio ah biakinn lenglei ah tlik a tim nain Muslim pa nih a tlaih khawh i, a lu a tan.

Nice khua palik nih an chim ning ah Muslim pa nih minung pathum a thah hna lai ah “Allahu Akbar” (A liangan bikmi Allah) tiah a au, tiah an ti.

Cu Muslim pa cu palik nih a hmun ah meithal in an kah ve. Asinain, a thi lo i sizung ah an kalpi.

Nice khua uktu Christian Estrosi nih, “A za kan ti cun a za cang. Islam ralhrang lungput a ngeimi pawl hloh i France ram ah daihnak lenter ding in kan i zuam caan a cu cang,” tiah a chim.

Thah a tongmi minung pathum ngaichiatpinak ca ah France Parliament ah caan tawite dir buin dai tein umnak zong an ngei.

Atu bantuk in Muslim pa nih Notre Dame Khrihfa biakinn ah minung pathum a thahnak hna aruang fiang in theih a si lo nain “Ralhrang Thahnawnnak” (Terrorism) a si ko, tiah Nice palik nih an langhter.

Cherhchan: Reuters, NDTV

THAWNG THAR

The Chin Journal Internship Program ah Thantlang, Hakha le Falam ah a ummi paoh i tel khawh a si. Hi Internship Program ah i tel na duh ahcun APPLICATION FORM hi phi ve.