Khin Wint Wah nih Facebook ah a Hmanthlak Tartu Pahnih a Report Hna

| The Chin Journal | Hakha, Chin State

Actress Khin Wint Wah nih Facebook ah a hmanthlak ningcang loin a tartu le a kong ningcang loin ca a tialtu pa pahnih cu limhang chiatchuahnak pohma 66 (d) in North Dagon palik zung ah report a tuah hna, tiah theih a si.

Khin Wint Wah nih a report mi hna hi an Facebook min ah Pyae Phyo Hein le Zaw Zaw Maung timi an si.

A cunglei pa pahnih nih hin Khin Win Wah le hlasa Han Nay Tar i hmanthlak kha an komh i “Ningzak tuk a si” timi ca le “Mah nazi hi aho ta dah a si?” timi ca an tial.

Hmanthlak chung ah hlasa Han Nay Tar ihnak khaan chung aa thlakmi hmanthlak ah nu siapi a lang. Cun, ihkhun pawng cabuai ah Khin Wint Wah nih aa khihmi nazi bantuk a um.

Hlasa Han Nay Tar hmanthlak ah a langmi siapi hi Khin Wint Wah siapi a si tiah tahchunhnak hmanthlak he an langhter i nazi zong hi Khin Winh Wah nazi a si tiah an langhter.

Khin Wint Wah le Han Nay Tar hmanthlak an tuahmi

Cuticun, Khin Wint Wah le hlasa Han Nay Tar cu Mandalay ah hmun khat ah an riak tti ti phun in an langhter.

Cucaah, Khin Wint Wah nih October 4 ah limhaang chiatchuahnak pohma in taza a cuai hna hi a si.

-Eleven

Latest News