Kayin Miphun 7 Thah Kong ah Ralkap Pahnih Kum 20 Thongthlak

| The Chin Journal | Hakha, Chin State

Kayin ramkulh, Kya-In-Seik-Gyi peng chung ah Kawl ralkap pahnih nih Kayin miphun minung 7 an rak thah hna caah mithattu Kawl ralkap pahnih cu thong 20 veve an thlak hna, tiah theih a si.

April 5 ah khan Anan-Kwin khuate ah Kawl ralkap pahnih nih kum 8 ngakchia pakhat telh in minung 7 meithal in an rak kah hna.

Thahnawnnak a chuah hnu April 9 ah lainawnnak a tuahtu ralkap pahnih dingfel tein dantatnak kan tuah hna lai tiah Kawl ralkap nih thawng an thanh i thla 5 a rauh hnu ah atu bantuk in kum 20 veve thong an thlak hna hi a si.

Kum 20 thongdan pekmi ralkap paphnih nih meithal in an rak kah hna lio ah minung 7 an thih pin ah a dang minung pakhat zong hliamhma fak ngaiin a bu.

Hliamhma an puttermi pa cung i an tuahmi sualnak kong zong ah pohma 72 in ralkap pahnih cu dantat chap an si lai, tiah Kawl ralkap thawngdik zamhtu bu chimnak nawlngei Brig. Zaw Min Tun nih a chim.

-RFA

Latest News