Kaya Hriamtlai le SAC Ralhrang Kahdohnak ah Ralhrang 14 an Thi

| The Chin Journal | Hakha, Chin State

Kaya ramkulh, Lwaikaw peng ah nizaan July 12 ah Kaya hraimtlai (Karenni Army) le SAC ralhrang karlak kahdohnak a chuak i ralhrang 14 an thi, tiah khuami nih an chim.

Kahdohnak a chuahnak hmun hi Lwaikaw khua in nichuah-thlanglei hmunram ah a si.

Hi hmunhma hi Karenni Army nih an humhakmi hmunram a si i, SAC ralhrang pawl an rak luh caah Karenni Army he kahdohnak a chuah hi a si.

July 12, ni khat chung lawng ah kahdohnak voi 5 a chuak i SAC ralhrang lei in a thimi le hliam a pumi an tam caah hmainor loin an kir tthan hna.

Kaya ramkulh hi SAC nih uknak an ramh hnu ah Myanmar ram ah kahdohnak fak bik a chuahnak hmunhma a si ve.

Nizaan kahdohnak ah Kareni Army lei in hliam a pumi le a thimi an um le um lo theih a si rih lo.

Latest News

News in Burmese