Kawlram in US ah Kir a Duhmi Hna Ca ah Vanlawng April 6 ah a Chuak Lai

| The Chin Journal | Hakha, Chin State

Myanmar ram ah a rak tlawngmi US rammi hna ca ah tiin US Embassy nih a timhtuahmi vanlawng cu April 6 ah Yangon International Airport in a chuak lai.

COVID-19 zawtnak a um caan chung ah atu vanlawng pin ah hin a dang vanlawng a chuak dingmi a um le um lo a fiang lo i, atutan vanlawng hi a donghnak bik a si kho, tiah US Embassy Rangoon nih thawng a thanh.

Hi vanlawng hi Yangon in April 6, chun sml. 12:30 in a chuak lai i, Japan ah Fuel rawn ah caan tawite aa din lai.

Cu din cun a zuang tthan colh lai i, April 6 (US Caan) zaan sml. 8:15 hrawng ah California, San Francisco Airport ah a phan lai.

Vanlawng cung ah eidin tirawl pek a si lai i, minung pakhat nih innzuat sattil (uico, chizawh tbk) pakhat cio i hruaih an onh.

Ref: mm.usembassy.gov

Latest News

News in Burmese