Kawlram COVID-19 a Fak Chin Lai, i Ralring Cia U: Aung San Suh Kyi

| The Chin Journal | Hakha, Chin State

Aralaimi zarh chung ah Myanmar ram ah COVID-19 zawtnak a fak chinchin lai tiah kan ruahdamh caah lungthin lei ready tein um cia u, tiah Daw Aung San Suh Kyi nih nihin zanlei ah a langhter.

“Lungthin lei timhcia tein um hram u ti kan duh hna. Ngandamnak lei kong tu ah cun acozah nih a si khawh chung in timh cia in kan um ko,” tiah a chim.

“Insein ah mibu pakhat (David Lah te bu) sin in COVID-19 zawtnak hmuh kong ah Yangon ramtthen cozah nih a tawlrel ningdan kong he pehtlai in rammi karlak ah entainak a um timi zong kan theih.”

“Kan lung a ttha hrimhrim lo. COVID-19 ruang ah kan thazaang hi kanmah le kanmah i entainak ah hman loin kan ral lian bik a simi COVID-19 tu hi lungrual tein do hna u sih,” tiah Daw Aung San Suh Kyi ni a Facebook cahmai in rammi sin ah a chim.

Latest News

News in Burmese