Kawlram Chung ah COVID-19 Zawtnak aa Chok Cang Tiah Ngandamnak Zung nih Ralrin Pek

| The Chin Journal | Hakha, Chin State

Myanmar ah ramdang in a rak tlungmi lawng si loin ramleng ah a chuak ballomi hna minung sin ah COVID-19 zawtnak aa chok ve cang, tiah Myanmar ram ngandamnak zung in Dr. Khin Khin Kyi nih a chim.

Myanmar ram ah COVID-19 zawtnak aa chawnmi minung 16 chung ah minung 4 hi ramdang ah a chuak balmi an si lo i tualchung COVID-19 i chawnhnak aa thawk cang, tiah a chim hi a si.

“Zawtnak a ngeimi 16 lak ah minung 4 hi ramleng ah khual an tlawng ballo nain an i chawn. Cucaah, tualchung COVID-19 i chonhnak aa thawk cang tiah ti khawh a si. WHO zong nih Myanmar ram ah tualchung zawtnak i chonhnak (Local Transimission) a um cang a ti. Ahmasa ah cun COVID-19 hi ramdang in a rak lutmi nih an ratpi i cucu atu ah Myanmar zatlang ah pakhat le pakhat i chonhnak a um cang,” tiah Dr. Khin Khin Kyi nih a chim.

Myanmar zatlang ah COVID-19 zawtnak aa chawh cang caah ngandamnak zung lei nih an chuahmi fimchimhnak pawl fel tein zulh a herh.

April 1 tiang ah Myanmar ram ah zawtnak a ngeimi minung 16 an si i, cu chung ah cun minung 1 a nunnak a liam cang.

Ref: Sandaw Ching

Latest News

News in Burmese