Kawlram ah COVID-19 a Ngeimi Minung 8 an Si Cang

| The Chin Journal | Hakha, Chin State

March 28 zinglei sml. 12:15 hrawng ah Myanmar ram ngandamnak zung nih COVID-19 zawtnak a ngeimi minung 3 kan hmuh chap hna, tiah thawng a thanh.

Yangon ah mizaw thar pahnih an um i, Naypyidaw ah ramdangmi mizaw thar pakhat an hmuh hi a si.

Yangon i mizaw pakhat cu kum 29 pa a si i, England ram in March 21 ah Yangon ah a rak phanmi a si. A dang Yangon ah a ummi mizaw pakhat hi kum 60 a simi nu a si i, Yangon khuasa a si. Caan karlak ah ramdang zong ah khual a tlawngmi a si lo.

COVID-19 mizaw thar pathum an ummi kong Ngandamnak zung nih a chuahmi thawngthanhnak| March 28

Naypyidaw i COVID-19 mizaw thar hi Switzerland rammi kum 58 nu a si. March 18 ah Naypyidaw ah a phanmi a si.

Atu ah COVID-19 mizawt thar pathum an hun i chap caah Kawlram ah COVID-19 mizaw 8 hmuh an si cang.

Ref: Myanmar Ram Ngandamnak Vuanci Zungpi

Latest News

News in Burmese