Kawl Ralkap Tlaihmi Minung 27 Chung ah Pathum an Thi

| The Chin Journal | Hakha, Chin State

Rakhine ram, Mrauk-u peng Latt-kaa khuami 27 Kawl ralkap nih an tlaih hna. Cu chung ah cun minung 3 an nunnak a liam.

“Nihin ah Rakhine ramkulh hluttaw chairman he kan i ton hnu ah siizung kan va kal. Cun, palik sakhan ka va kal rih. Palik sakhan le siizung nih an thihnak kong cu an fehter cang. Hmanthlak zong an ka chuah piak” tiah Mrauk-u khuami Ko Zaw Htun nih a chim.

Atu a thimi hna hi Ko Zaw Myo Htun (25), U Thein Htun Sein (35) le U Maung Than Nu (41) an si.

“Ka vapa a thi timi kong atu tiang kaa zumh kho lo. Ka vapa hi AA ralkap a si lo. Ka vapa hmuh ka duh. Ka vapa a thih taktak a si ahcun a thattu pawl tazacuai ding in nawl kan hal hna” tiah U Maung Than nupi Daw Than Khin Kyi nih a chim.

Rakhine ram, Mrauk- khua i a ummi Kawl ralkap Battalion 31 cu April 9 zaantim ah AA nih an rak luh hnawh hna. April 10 chun ah Yangon-Sittway mawtaw lam, Latt-kaa khua pawng ah mi sawhsawh thilthuam aa hrukmi AA ralkap le Kawl ralkap suimilam 2 chung hrawng an i kap. Cu ah cun, lunghrinhmi minung 23 Kawl ralkap nih an tlaih hna.

-Narinjara

Latest News