Kawl Ralkap Soisel Ruang ah Myanmar Director Thong Kum (1) an Thlak

| The Chin Journal | Hakha, Chin State

Facebook hmang in Kawl ralkap soiselnak ca a tar ti ruang ah tazacuaimi video director Min Htin Ko Ko Gyi cu nihin ah kum (1) thongthlak ding in dantatnak an pek, tiah theih a si.

2008 Phunghrampi kong he pehtlai in tukum April thla ah khan Min Htin Ko Ko Gyi nih Facebook ah a hmuhning a tial ruang ah an rak tlaih.

Rampi buaibaiter ding in le mipi buaibainak chuahter ding in hrihhawhnak a tuah timi sualphawtnak in tazacuai a si i, nihin August 29 zinglei ah Insein peng biaceih zung nih dantatnak a pek hi a si.

Tazacuai a ton chung ah thonginn chung ah thla 4 hrawng an rak hren cang caah atu hnu in thla 8 chung thonginn ah a um lai i cu hnu cun chuah khawh a si telai, tiah theih a si.

-Sandaw Ching

Latest News