Kawl Ralkap nih Ralhriam Ngan Pipi in an Kan Kah Tawnmi hi Intuar Awk Cun Thil Har Ngai a Si Tiah AA Ralbawi Htun Myat Naing nih a Chim

| The Chin Journal | Hakha, Chin State

AA lei nih ral kan ser hmasa lo buin Kawl ralkap nih nifatin ralhriam ngan pipi in an kan kah tawnmi hi cu intuar awk ah thil har ngaingai a si ko tiah AA ralbawi Htun Myat Naing nih a chim.

April 17, ‘Wa’ ram, Pan San khua ah tuahmi Wa miphun remdaihnak an ser kum 30 tlinnak puai ah press conference an tuah i a cunglei bantuk in AA lei in Major-General Htun Myat Naing nih a chim hi a si.

“Kawl ralkap nih tinhmi rak ngeih cia, a thlithup (counter-attack) in rak kan do hlah u an ti. Kanmah lei zong nih thil sining dikhmaan kan chim ve ko. Tinhmi rak ngeih cia in kan do bal hna lo. Asinain pakhat a ummi belte cu, khuadei cangka in kan umnak tlangthluan pawl ralhriam ngan in an rak kah tawnmi hi cu zoh sawhsawh awk an tha lo. Cucaah cu hmun zong ah cun ral ser hmansa lo ding hi a biapi ve. Hi zong hi kaphnih kar ceihhmai tti ding in nawl kan hal” tiah Major-General Htun Myat Naing nih a chim.

“Raldoh timi cu a thami raldohnak a um bal lo. Hrial awk a tha lomi thil cung ah cun kanmah lei zong nih kan doh ve ko hna. Cucaah kanmah lei zong nih a si khawh chung in kan ngeihmi thilri in defense kan la ve” tiah a chim.

2018 December hnu in nihin tiang AA le Kawl ralkap kar pehzulh in kahdohnak a chuak.

-Mizzima

Latest News