Kawl Ralkap Nih Rakhine Khuatemi 7 Meithal in an Kah Hna

| The Chin Journal | Hakha, Chin State

May 2 zinglei sml. 2:30 hrawng ah Kawl ralkap nih Rakhine ramkulh ah khuami minung 7 meithal in an kah hna caah an nunnak a liam, tiah theih a si.

Yathehtaung peng, Kyauhdan khuate sianginn chung ah Kawl ralkap nih AA kong he pehtlaih in khuami pawl 275 an pumh hna i bia an hal hna.

Bia an hal hnanak ah Kawl ralkap nih cun meithal in an kah hna i minung 7 an nunnak a liam pin ah a dang minung 8 hlaimhma an pu, tiah khuami pakhat nih Rakhine tualchung thawngzamhnak DMG sin ah a chim.

DMG nih Kawl ralkap zung ah pehtlaihnak an tuah i thil sining an hal tikah ralbawi Win Zaw Oo nih thil sining fiang in kan thei rih lo tiah a chim.

Latest News