Kawl Ralkap Nih Mipi He Vote Thlak Ti Kan i Harh Deuh an Ti

| The Chin Journal | Hakha, Chin State

Myanmar rampi thimnak ah ralkap sakhaan pawl ah mekuang hun loin leng ah chuah i mipi he vote thlak ti ding cu kan i harh deuh, tiah Kawl ralkap thawngdik zamhtu bu Vice Chairman Gen Tun Tun Ngyi nih a chim.

“Ralkap sakhaan ah suimilam 24 chung rian a tuanmi kan si. Leng ah hun chuah i vote thlak cu harnak tampi a um. Aruang zong tampi a um ve. Sakhaan ah vote an thlak tik zong ah mah pumpak duhning tein zalong tein thlak a si cio ko,” tiah September 27 ah tuahmi Kawl ralkap Press Conference ah Gen Tun Tun Ngyi nih a chim hi a si.

2020 thimnak kong he pehtlai in Union Election Commission (UEC) nih zulhphung a chuah te lai i, ralkap sakhaan ah mekuang chiah le chiah lo kong hi a fiang te lai.

UEC chungtel U Myint Naing nih, “Upadi ning in ralkap sakhaan ah mekuang hun le hun lo kong ah ralkap nih nawl an ngei lo. UEC lawnglawng nih nawl a ngeih,” tiah a chim.

Aralaimi 2020 rampi thimnak ah cun ralkap sakhaan ah mekuang chiah le thimnak hlan ah vote thlak chung (ၾကိဳတင္မဲ) kan duh ti lai lo, tiah September 22 ah khan NLD nih duhlonak an rak langhter cang.

-Pagan Thar

Latest News