Kawl Ralkap nih Lam Hmuhsaktu ah an Fialmi Hna Mru Miphun 3 Bomb nih a Puah Hna, Pakhat a Thi

| The Chin Journal | Hakha, Chin State

Rakhine ram, Mruak-u peng Sapaung khuami Mru miphun pathum cu Kawl ralkap nih lam hmuhsaktu ah an fial hna i kee lamh bomb an i lamh sual ruang ah minung 1 a thi, 2 hliamhma an tuar tiah Narinjara nih a langhter.

Sapaung khuami U Kyay Htun Aung (kum 68), U Sa Ni Aung (kum 65) le U Maung Thein Kyaw (kum 35) cu March 9 ah Kawl ralkap nih lam hmuhsaktu ah an fial hna. An kal cuahmah lio ah bomb an i lamh sual hi a si.

“Kyay Htun Aung cu a hmun ah a nunnak a liam colh. A hnulei a kalmi Sa Ni Aung zong a hmai le a pumpuluk ah bomb cii nih a pek. Thinphang dirhmun a si ruang ah Sittway siizung an lanhpi. Maung Thein Kyaw belte a kawh lawng a kok sawhsawh” tiah khuabawi hlun Maung Thein Htun nih a chim.

“Maung Thein Aung nih Chinmi pawl an umnak Mruak-u peng, Kyauk-paung khua ah bawmh a va hal hna. Khuami nih cun hliamhma a tuarmi Sa Ni Zung cu Sin-oo khua tiang zaan khat chung laang in an put. March 10, zaanlei sml. 5:00 hranwg ah Mruak-u khua an phakpi. A sining a zualhmat deuh caah Sittway siizung an va lanhpi” tiah a chim chap.

Lam hmuhsaktu ah a autu ralkap pawl hi an liang benh ah 22 aa tial. A thimi U Kyay Htun Aung caah ralkap nih Ks. 300,000 an pek, cun hliamhma a tuarmi U Sa Ni Aung caah Ks. 100,000 an pek tiah Maung Thein Htun chimmi chung in RFA nih a langhter.

-Narinjara, RFA

Latest News