Kawl Ralkap: I Kahdohnak Nan Duh Rih Cun Ready Kan Si

| The Chin Journal | Hakha, Chin State

Kawl ralkap nih tlangcungmi hriamtlai hna sel in “I kahdoh nan duh rih ko ahcun ready peng kan si,” tiah August 24 ah Naypyidaw ah tuahmi Media sin thawngfianternak hmun ah challenge an tuah.

Kawl ralkap thawngdik zamhtu bu Chairman a simi General Soe Naing Oo nih, “A tawinak in bia pakhat lawng kan chim lai. Remdaihnak cabuai ah nan ra lai maw? Ralkap nih kan in don ko hna. Asiloah, i kahdoh  maw nan duh rih, ready kan si!” tiah a chim.

August 15 ah Pyin Oo Lwin khua i Kawl ralkap fimcawnnak Defense Services Technological Academy telh in Shan ramkulh chung hmun 6 ah TNLA, MNDAA le AA nih kahdohnak an tuah i Kawl ralkap, palik le rammi minung 15 an nunnak a rak liam.

Atutan hi August 15 kahdohnak kong he pehtlai in Kawl ralkap nih phungning in Media sin fianternak a voi khatnak an tuah a si.

-Irrawaddy

Latest News