Kawl Ralkap He Pehtlaihnak Ngeimi Thilthitnak Sehzung He Pehtlaihnak Chah Ding in German Company Nih Thawngthanh

| The Chin Journal | Hakha, Chin State

Kawl ralkap ta a simi Myanmar Economic Hodlings Ltd. (Oo-Paing Company) he pehtlaihnak a ngeimi thilthitnak sehzung pawl he pehtlaihnak kan chah lai, tiah German le Hongkong ah hram a bunhmi Esprit Company nih thawng a thanh, tiah theih a si.

Esprit Holding Ltd. cu thilpuan le suihlawn pawl dawh tein a ser i vawleicung ah Market kaupi a ngeimi Company nganpi pakhat a si.

UN nih August 5 ah Myanmar kong he pehtlai in cathanh pakhat a rak chuah i cu ah cun Myanmar ralkap ngeihmi company pawl nih an hmuhmi tangka in ralhriam an cawknak. Cu ralhriam pawl cun ramchung ralhram ah thahnawnnak pawl a tuah tiah a langhter.

Cu ruang ah cun Esprit nih Myanmar ralkap ta Myanmar Economic Hodlings Ltd. i Pyinmabin Industrial Zone le Ngwe Pinlay Industrial Zone ah a ummi thilthitnak sehzung pawl sin ah thilthaan pawl order tuah ti lo ding in khuakhaannak a ngei.

A cunglei Industrial Zone pahnih ah thilthan a caw tawntu Next, Bestsellar, H&M, Mark & Spencer le C&A zong nih UN report cu review an tuah cuahmah i Myanmar ralkap he aa pehtlaimi sehzung pawl he pehtlaihnak chah ding in timhtuahnak an ngei ve, tiah theih a si.

-Asian Review

Latest News