Kawl Ralkap Chungkhar an Chah Biknak Meiktila ah NLD nih Bual a Co

| The Chin Journal | Hakha, Chin State

Mandalay ramtthen Meiktila khua hi Kawl ralkap chungkhar tam taktak an umnak a si i, 2015 ah USDP nih NLD a rak teinak zong a si.

Atutan 2020 thimnak tu ah cun Meiktila district chung vialte NLD nih teinak an hmu dih i, hmun cheukhat ah cun NLD nih USDP cu vote 10,000 leng hna in a tei.

Meiktila district thimnak ttuanvo ngeitu a simi U Myo Hteik nih, “Meiktila district dihlak huap in chim ahcun NLD nih a tei dih ko. Acheukhat hmunhma ah NLD nih vote 10,000 leng in a tei i, achuekhat ve ahcun vote i thlau tuk loin a tei,” tiah a chim.

Meiktila district chung ah hin peng/myone pali a um i hluttaw tthudan hmun 14 an i cuh hna. Cu hmun 14 ning cun NLD nih an lak dih hi a si.

Meiktila district hmun cheukhat ah NLD le USDP hi i khingkhang nawn in an um i, a dang party pawl cu arti hmanh a khuai lomi an um, tiah U Myo Hteik nih a chim chap.

Meiktila lawng ah si loin USDP Head Quarter a umnak Napyidaw, Dakhina Thiri peng zong ah NLD nih bual a co.

[Myanmar Now]

Latest News

News in Burmese