Kawl Ralkap Bomb in Khuami 5 an Thi, Tam Ngai Hliamhma an Tuar

| The Chin Journal | Hakha, Chin State

Rakhine ram, Buthituang pengkulh Sitaung khua ah khuami 5, March 21 zaan ah bomb nih a tlak hna i an nunnnak a liam. Minung tam ngai hliamhma an tuar.

Bomb puahnak in a thimi hna hi Myat Shew Thein (21), U Maung Aye Htun (50), Daw Than Nyunt (49), Aung Than Htey (16) le kum 79 tarnu pakhat an si.

Mithmuh tette Sitaung khuami pakhat nih “U Maung Aye Htun le a nupi Daw Than Nyunt, Myat Shwe Thein le Aung Than Htey an thihmi ka hmuh. Tarnu belte cu an inn ah a thi, cozah ralkap nih an kahmi a si. Nizaan zaan sml. 7:00 hnu ah meithal le bomb in an kah. Zaan khuadei an kah, khuami tam taktak hliamhma an tuar” tiah a chim.

Hi kong he pehtlai in ralkap lei chimnak nawl ngeitu Colonel Win Zaw Oo nih “Cozah ralkap nih a ruang um loin kahnak an tuahmi cu a um lo, khuachung in AA nih an kah hna ruang ah an kah vemi hna a si. Sitaung khuachung in AA nih an rak kah hna ruang ah an kah vemi hna a si. Kanmah lei zong hliamhma tuar an um” tiah a chim.

Sitaung khua in a zaammi nu pakhat zong meithal kahnak in a nunnak a liam. Cun, kum 79 tarnu zong a inn chung aa thuh lio ah a thi, khuami 4 tu cu an i thuh lio ah bomb nih a rak tlak hna i an nunnak a liam.

-Narinjara

Latest News