Karen Hriamtlai DKBA Ralbawi a Inn ah Meithal in Kah a Tong| Video

| The Chin Journal | Hakha, Chin State

Karen Buddhist hriamtlai a simi Democratic Karen Buddhist Army (DKBA) ralbawi pakhat cu October 5 zanlei ah a inn ah minung pakhat nih meithal in a run kah, tiah theih a si.

Meithal in kah a tongmi pa hi Lt-Col Saw Wai Htoo a si i, zanlei sml. 7:30 hrawng ah Kawhkaraik khua i a inn ah zanriah a ei lio ah minung pakhat nih AK-47 meithal in voi 6 a kah.

DKBA pehtlaihnak lei tuanvo ngeitu Col. Saw Kyaw Tan Htay nih, “Meithal in a kaptu ahodah a si timi kan hlat lio a si. Khuachung ah a cangmi thahnawnnak a si caah nizan ah palik zong an ra. Thil sining fiang in kei ka thei lo,” tiah a chim.

DKBA cu 1994 thawk in Karen National Liberation Army (KNLA/KNU) in aa then i Kawl ralkap he hnatlaknak an tuah. Kawl ralkap nih chawva le ralhriam lei in bawmhnak a pek.

Cu caan thawk cun DKBA cu Kawl ralkap he i bawm in KNU le KNU he aa pehtlaimi tlangcungmi hriamtlai pawl a dotu Karen Buddhist hriamtlai bu ah aa cang.

-DVB

Latest News