Kanpetlet Khuachung ah Naam, Meithal, Li le Cantiang Ken buin Chawhvah an Kham

| The Chin Journal | Hakha, Chin State

Chin ramkulh, Kanpetlet khuachung ah Naam, Meithal, Fei, Li le Cantiang i ken buin ahohmanh i chawhvah lo ding in uktu lei nih khenkhamnak an tuah, tiah theih a si.

Kanpetlet khuachung ah hriamnam pawl ken buin i chawhvah lo ding timi mipi sin fimchimhnak poster pawl cu September 18 zinglei ah acozah tuanvo ngeitu pawl nih an tar hna.

September 14 in October 14 tiang in mipi sin fimchimhnak caan ah an chiah i cu caan a liam hnu cu khuachung ah hriamnam ken buin aa chokmi paohpaoh upadi ning in dantat an si lai tiah theihternak an tuah.

Kanpetlet lawng si loin Mindat khua zong ah Naam, Meithal, Fei, Li le Cantiang ken buin ahohmanh khuachung ah nan i chokvak lai lo tiah nawlngeitu nih aluancia kum in khenkhamnak an rak tuah cang.

Mindat ah cun khuachung ah hriamnam i ken buin aa chokmi minung 5 zong tukum chung ah tlaih an si.

Latest News