Kandohnak Kan Ngol Lai Tiah Northern Alliance Nih Thawng a Thanh

| The Chin Journal | Hakha, Chin State

Atulio Kawl ralkap he Shanram nichaklei ah an i kah cuahmahmi ngol rih ding in Northern Alliance nih thawng an thanh, tiah theih a si.

Northern Alliance chungtel TNLA, MNDAA le AA nih September 2 ah Tuluk ca in kahdohnak an ngol nakding kong cathanh an thlah i September 4 ah Kawlca in an thlah chap.

TNLD hriamtlai chimnak nawlngei Major Maing Aik Kyaw nih, “Abikin Kyaingdon ah tuahmi ton biaruahnak cung ah hnget in cathanh kan chuahmi a si. Ramkhel biaruah ding hi za ah za in kan duh. Cucaah, atu bantuk in kanmah lei in hmaisuang dohnak tuah ti lo ding in cathanh kan chuah hi a si. Asinain, a kan kah hmasa ahcun i khamnak ah kan kah ve ko hna lai,” tiah a chim.

September 16-17 ah Myanmar cozah lei he tonnak ngeih than ding in biachahnak an ngei i cu tik ahcun Bilateral Ceasefire Agreement minsen thu kho ding in timhtuah a si.

“Asinain, September 16-17 ah Bilateral minsen kan thu kho lai maw. Cun, ralkap nih pehzul in ceihmai an duh lai maw timi pawl zoh a hau rih i ceihmainak tuah an duh lo a si ahcun pehzul in i kahdohnak a fak than kho thiamthiam,” tiah Major Maing Aik Kyaw nih a chim chap.

-Irrawaddy Burmese

Latest News