Kalaymyo ah COVID-19 Zawtnak in Kum 26 Nu a Nunnak a Liam

| The Chin Journal | Hakha, Chin State

Kalaymyo ah COVID-19 zawtnak in nihin zinglei sml. 1:00 hrawng ah kum 26 nu pakhat a nunnak a liam tthan, tiah theih a si.

A nunnak a liammi nu hi Kalaymyo, Ngyaupinthar sang ah a ummi a si i, damlonak dang ruang ah January 18 ah khan sizung ah a phan.

A zawtnak an check tik ah COVID-19 zawtnak a rak ngeih chihmi an hmuh. Sibawite nih hi nu hi COVID-19 mizaw he naihniam in a ummi a si lo, tiah an ti.

Nihin ni tiang ah Kalaymyo ah COVID-19 zawtnak in a nunnak a liammi minung 11 an si cang.

COVID-19 zawtnak in a nunnak a liammi mi tam u hi kum upa lei an si i, kum no chung in a nunnak a liammi hi mi tlawmte lawng an si.

Cherhchan: Zalen

Latest News

News in Burmese