Kalay University ah Kum 1nk a Kaimi Nungak Dawhte Phaisa Ruah ah Thah a Tong

| The Chin Journal | Hakha, Chin State

Kalay University ah Botany Major in kum khatnak a kai liomi nungak dawhte Aye Chan Mon cu caminpuai an dih ni September 25 ah khan rak tlau.

Hi nute hi miziatha a si i, hawikom tampi a ngeimi zong a si caah caan karlak a tlau chung vialte a Facebook Timeline ah a hawile nih khoika na um, kan in ngai tuk, rak kir cang tiah a phunphun in an tial.

Aye Chan Mon tlau kong ah palik nih lunghrinh in Zan Min Htet timi pa an tlaih i bia an hal tikah “Ka Thah Ko” tiah aa phuang.

Aye Chan Mon cu Kalay University ah Botany in kum khatnak a kai liomi a si.

Ye Sun Kyun pura thlanglei i thingkung tang ah Zan Min Htet nih Aye Chan Mon cu a hrom in a dih pin nam in voi tampi a sawh. Cun, Aye Chan Mon a ruak cu tiva ah a hlonh.

Aye Chan Mon i a motorcycle cu Zan Min Htet nih a zuar hnu ah a nungak pakhat he cu tangka cun Pagan ah Kawl pura biak ding in an kal.

Palik nih motorcycle a zuarnak in an hlathlai i Zan Min Htet cu Pagan in a rak tlun lei ah Mandalay ah an tlaih.

Tichung ah a hlonhmi Aye Chan Mon ruak cu nizan in kawl ram an thawk nain atu tiang an hmu kho rih lo, tiah theih a si.

-KU Moving Channel

Latest News