Kalay ah KG a Kai Liomi Kum (5) Ngakchia Nute Tlaihrem a Tong

| The Chin Journal | Hakha, Chin State

Kalaymyo, BEHS No. 8 ah KG a kai liomi kum 5 ngakchia nute cu sianginn tinlei ah tlaihrem a tong, tiah theih a si.

October 1, zanlei sianginn tin hnu ah KG sianngakchia nute cu sianginn pawng motor lamkam i mipi lentecelhnak hmun ah lente aa celh lio ah minung pakhat nih a auh i a tlaihrem, tiah a chungkhar lei nih an chim.

Ngakchia nute chungkhar nih, “A pa nih don ding in sianginn ah a kal nain a fanu cu a hmu lo. Ngakchia nute nih cun ‘upa a si cangmi pa pakhat nih changreu kan cawkpiak lai a ka ti i, a ka kalpi’ tiin a chim. Cu pa nih cun a tlaihrem hnu ah burbuk lak ah a kaltak. Kan vung kawl tik ah Ar zuatnak pawng ah a ummi hna nih hikahin ngakchia nu pakhat kan hmuh a kan ti. Zanlei sml. 4:00 hrawng kan hmuh than,” tiah a chim.

“A tlahremtu pa hi ngakchia nu nih a hliah lo. Palik zung ah report zong kan tuah. Ngakchia nute a chim ning ah a tlaihrem tu hi kum 50 hrawng si dawh a si,” tiah a cunglei upa nih a chim chap.

Ngakchia nute cu Kalaymyo sizung ah an kalpi i sii lei thloptuknak an tuah. A kee zong ah thing nih a hriahnak hmaneh pawl an ummi hmuh khawh an si.

-Chin World

Latest News