Kalay a Tlawngmi Falam Nu Upa Pakhat Zarh Khat Chung a Tlau

| The Chin Journal | Hakha, Chin State

July 17 ah Kalay ah tlawngmi Falam khuami nu upa pakhat chungkhar sin panh loin le pehtlaihnak zong tuah loin a tlau, tiah theih a si.

Kalay lei kal in a tlaumi nu hi Pi Thuam Par kum (53) a si i a tlaunak kongkau cu a naunu Pi Bo Bo nih a chim.

“Aye Chian Bus in Kalay lei ah a kal. Aye Chian motor mong zong nih kan Bus ah aa cit ko a kan ti. Kalay a phak hnu in kee-thum cycle aa hlan i Kalaywah lei ah a kal a kan ti. Kalaywah lei ah cun dawngchung pakhatkhat sin ah a phan lai i a rak tlung te ko lai tiah kan ruah nain atu tiang a konglam zeihmanh kan theih lo,” tiah Pi Bo Bo nih cun a chim.

A tlaumi Pi Thuam Par hi Falam peng, Lungraang ah a ummi Rev. Nam Vung i a fanu a si i, atu tiang ah zeidah a can timi thawngpang a chungkhar nih an theih kho rih lo.

A hmutu hna nih Phone – 0942710445 ah pehtlaihnak tuah ding in chungkhar nih mipi sin ah bawmh a kan hal.

-Chin World

Latest News