Kaladan Tiva Cung ah AA Nih Tilawng Pahnih an Tlaih

| The Chin Journal | Hakha, Chin State

Chin ramkulh, Paletwa peng, Kalada tiva cung ah a kalmi khualtlawng tilawng pahnih cu June 3 zinglei ah AA nih an tlaih, tiah Paletwa sipin tuanvo ngeitu sin in thawng kan theih.

AA nih an tlaihmi tilawng pahnih lak ah pakhat ah hin khualtlawng minung 19 an i cit i a dang pakhat hi facang a phormi a si. Khualtlawng an i tel le tel lo fiang in theih a si lo.

“Nihin zinglei sml. 10:00 hrawng ah hi thil a can hi  a si. Tilawng pahnih tlaih an tong. Atu tiang ah cun thil sining fiang in kan thei rih lo. Kan hlat cuahmah lio a si,” tiah a cunglei upa nih The Chin Journal ah a chim.

Tilawng pahnih cu Paletwa he meng 10 hrawng a hlatnak Kaladan tivakam i Kyilay khuate phak lai ah AA nih an tlaih hna hi a si, tiah tuanvo ngeitu sin in thawng kan theih.

Latest News

News in Burmese