Kachin Lamzawhnak Hmun ah Kawl Ralkap Tank Le Motor Pawl an Ra

| The Chin Journal | Hakha, Chin State

September 9, zinglei sml. 7:00 in Kachin ramkulh, Myitkyina khua i biaceih zung hnulei ah Kachin mino tampi nih lamzawhnak an peh than.

Lamzawhnak an tuah cuahmah lio ah ralkap tampi a phortu motor pawl le raldohnak Tank pawl an pawng ah an rak phak caah khuaruahar thinphang in micheu an um. Asinain, ralkap raldohnak tank le motor pawl cu dir loin hmailei ah an lan.

Septembe 9, Myitkyina lamzawhnak lio ah Kawl ralkap tank le motor pawl an rak chuak

Atutan lamzawhnak hi a voi 3nk an tuah a si cang. September 5 le 6 ah khan voi hnih an rak tuah i nihin hi a voi thumnak a si.

Kachin ramkulh chung kahdohnak aa hun thawk thannak kum 8 tlin camtuak cu June 8 ah khan Myitkyina ah an rak tuah.

Septembe 9, Myitkyina lamzawhnak lio ah Kawl ralkap tank le motor pawl an rak chuak

Cu lio ah cun mino pawl nih ramchung ral kong he pehtlai in hla le action in hmuhsaknak pawl an tuah tik ah an hruaitu minung 2 an tlaih hna i September 2 ah thong ni 15 veve thlak ding in biaceih zung nih dan a tat hna.

Cucaah, September 5 thawk in ralzam hna caah le adikfelmi biaceihnak a um nakhnga atu tiang lamzawhnak pehzul in an tuah cuahmah hi a si.

-Myitkyina News Journal

Latest News