Kachin Khua Pakhat Noncek Le Tilu Nih Phum a Timh

| The Chin Journal | Hakha, Chin State

Kachin ramkulh, Myitkyina district, Sadung khua cu ruahpi a fah ruang ah noncek le tilu khuachung ah an lut an khua hmun cheukhat phum a timh, tiah theih a si.

June 27 thawk khan ruah pehzul in a sur i tlangcung in a rung luangmi luti nih noncek pawl a hun hruai chih.

Sadung khua a rawnh deuhnak hmun pawl i innchung ah luti le noncek pawl an lut hna i dawr zong on kho lo innchung zong ah thutdir khawh loin harnak an tong hna.

Atulio Sadung khua

“Minung aa khawngdengmi le a tlaumi an um hraw lo. Saram a thimi tu cu an um len. Khuachung lamkalnak zong a tha lo. Mibawmtu rak phan hna sehlaw a tha hnga,” tiah khuami U Tin Soe nih a chim.

Sadung khua hi lamsul a harnak hmunpi ah a vung ummi a si tikah bawmhchanhnak petu minung zong tuan ah an phan kho rih lo, tiah theih a si.

-Myanmar Times

Latest News