Ka Fanu a Tthitu cu Thai Baht 10 Million Kan Pek Hna Lai a Titu Pa Pehtlaihnak a Rak Tuahtu Minung 10,000 Leng an Si

| The Chin Journal | Hakha, Chin State

Thailand mirum pa nih a fanu kum 26 nungak a tthitu cu Thailand tangka Baht 10 Million kan pek hna lai tiin cawngia a tuah. Asinain, pehtlaihnak a rak tuahtu an tam tuk caah nupi thi tlangval thimnak puai a hrawh than.

Arnon Rodthong tiah auhmi Thailand mirum pa hi Chumphom District ah Durian dum a ngeimi a si. Atu bantuk in cawngia a tuahmi hi “ka fanu hmailei a nunnak lamthluam amah tein i sersiam ve seh timi ruahchannak he a si” tiah Arnon nih a chim.

Cawngia a tuahmi chung ah, a fanu cu chungkhar sipuazi lei rian a bawmmi a si i Mirang hlolh le Tuluk holh a tiam, cun nungak virgin a si timi zong aa tel.

Arnon nih “ka fanu darling hi cathiam le degree ngei a a hau lem lo, ka fanu nuam tein a chia khotu le riantuan a felmi a si ahcun a za ko” tiah a chim.

‘Ka fanu a tthitu cu Thai Baht 10 Million kan pek hna lai’ tiin online ah cawngia a tuah hnu in pehtlaihnak a rak tuahtu minung 10,000 leng an si.

Pehtlaihnak a tuahtu an tamtuk caah nupi thi tlangval thimnak puai cu March 5 ah a hrawh than.

-Irrawaddy

Latest News