Ka Detkhawt Thluahmah Lai i Knock Out in Phomh kaa Zuam Lai| Video

| The Chin Journal | Hakha, Chin State

Aung La nih Brandon Vera cu ka detkhawt thluahmah lai i ngal ko bak in (Knock Out) in thongh khawh kaa zuam lai, tiah Japan a phak hnu ah a vun i thlerkhawng than.

Sihmanhsehlaw, Vera hi atulio MMA Heavyweight Champion bak a si tik ah amah nakin a khing a zaan deuhmi Aung La nih a duhning in a ti kho te hnga maw ti Aung La fan cheukhat an lungre a thei.

“Atutan puai caah hin a tha bik in kaa timlam. Ka detkhawt duahmah lai, Pressure tampi pek kaa zuam lai i knock out in tei kaa zuam lai,” tiah Aung La nih DVB interview ah a chim.

October 13 ah, Japan ram, Tokyo ah ONE CENTURY timi MMA vuak zuamnak puaipi cu tuah a si lai i, puai pical bik ah Vera le Aung La an i tong. (Myanmar Suimilam in cun zanlei sml. 5:00 in puai thawk a si lai).

Philippines rammi MMA thongh thiam Vera nih Aung La cu a challenge bang in Aung La zong nih atulio aa tlaihmi Light Heavyweight Title a sungh lo nakhnga aa zuam ve lai.

Kum 41 a si cangmi Vera cu atulio MMA ah Heavyweight Title aa tlaihmi a si i, MMA ah voi 24 a rak i thong i voi 16 teinak a hmu.

Latest News