July Thla Chung Kayin Ramkulh SAC Ralhrang 250 Hrang an Thi: KNU

| The Chin Journal | Hakha, Chin State

July thla chung ah Kayin ramkulh chung District pali ah Kayin hriamtlai KNU/KNLA le SAC ralhrang karlak kahdohnak voi 180 hrawng a chuak i SAC ralhrang 250 hrawng an thi, tiah KNU thawngzamhnak Thoolei News nih nihin ah a langhter.

KNLA brigade (1) hmunhma Tothahtoo district, brigade (2) hmunhma Taungngyu district, brigade (3) hmunhma Ngyaunglaypin district le brigade (5) hmunhma Phaon district hna ah an si.

“July thla chung KNLA le SAC ralkap kahdohnak ah SAC lei in minung 250 hrawng an thi i, a dang minung 11 an zaam,” tiah an langhter.

SAC ralhrang lei nih Kayin khuami an umnak khuachung ah bomb voi 58 an kah i, inn 5 a ciam.

Cu lawng si loin SAC ralhrang nih mipi sin ah eidin le thilri hramhram in an chuh/an firmi hi azapi ah ting 100 man hrawng a si, tiah an langhter chap.

Ngyaunglaypin district chung ah SAC ralhrang nih minung 70 an tlaih hna i minung pakhat ah ting 25 in tlanh ding in chungkhar thawng an thanh hna, tiah KNU thawngthanhnak ah an langhter.

Latest News

News in Burmese