Joe Biden nih President Biakamnak ah an Chungkhar Bible a Hman

| The Chin Journal | Hakha, Chin State

A voi 46nk US rampi President Joe Biden nih US President Biakamnak ah a hmanmi Bible hi anmah chungkhar nih kum caan saupi an rak hmanmi a si.

Hi Bible hi lehmah 5 a chah i, 1893 (19th Century) thawk in Joe Biden te chungkhar nih an rak hman cangmi a si.

Amah President Joe Biden pumpak hrimhrim nih 1973 ah Senate ah biakamnak a rak tuah lio ah a rak hman.

Cun, 2009 le 2013 ah vice-president biakamnak zong ah a rak hmanmi a si. Cun, Joe Biden i a fapa Beau Biden zong nih 2007 ah Delaware Attorney General rian biakamnak ah a rak hman ve.

Hi Bible ca hi Joe Biden te chungkhar ca ah abiapi ngaingaimi rorah bantuk a si. Joe Biden pumpak nih, “Kan chungkhar ca ah abiapimi nicaan paohpaoh cu hi Bible chung ah hin a um dih. Abiana ah, cozah rian biakamnak ka tuahmi nicaan kip hi mah Bible chung ah hin lohtlau lo ding in kaa chinchiah hna,” tiah a chim.

Hi Bible hi Joe Biden te chung nih kum 127 (kum zabu pakhat leng) an rak hman cangmi a si i, an chungkhar tuanbia tampi a zawitu zong a si, tiah ABC News nih cun a langhter.

Cherhchan: CNN, ABC News

Advertisement

Thawngpang Thar