Japan Khuasa Myanmar Pawl Nih Aung La Sunglawi Ngaiin an Don

| The Chin Journal | Hakha, Chin State

MMA thongh zuamnak puai ah i tel ding in Japan ram ah a kalmi Aung La N’Sang cu Japan ram khuasa Myanmar rammi hna nih Airport ah sunglawi ngaiin an don, tiah theih a si.

October 13 ah, Japan ram, Tokyo ah tuah dingmi MMA vuak zuamnak ONE CENTURY timi puaipi ah Brandon Vera he i thongh ding in Aung La Japan a phak hi a si.

Japan khuasa Myanmar pawl nih Aung La an don

Aung La a dongtu hna lak ah abikin Kachin miphun pawl an tam i an thilthuam tein sunglawi ngaiin donnak an ngeih.

Philippines rammi MMA thongh thiam Vera nih Aung La cu a challenge bang in Aung La zong nih atulio aa tlaihmi Light Heavyweight Title a sungh lo nakhnga aa zuam ve lai.

Japan khuasa Myanmar pawl nih Aung La an don

“Atutan puai ah hin hngawngreh kuat hmang loin kee tu in phomh khawh kaa zuam lai. Amah (Vera) zong aa vuak tik ah hin neih tein a um tawn lo i a kee a hman ngai tawn. Kei nih cun amah hi vun neih duahmah in thongh kaa zuam ve lai. A lang in a rak ka chuihmi pawl i kham khawh kaa zuam ve lai,” tiah Aung La nih a chim.

Aung La he aa thua dingmi Brandon Vera

Vera nih, “Atulio hi Aung La a minthan lingcang bak a si ko. Asinain, kei zong Title pahnih aa tlaihmi Champion si ka duh ve. Light Heavyweight aa tlaihmi hna hi challenge ding in duhnak ka rak ngeih rengrengmi a si,” tiah a chim.

Kum 41 a si cangmi Vera cu atulio MMA ah Heavyweight Title aa tlaihmi a si i, MMA ah voi 24 a rak i thong i voi 16 teinak a hmu.

Latest News