Israel Rammi Pahnih Nam in a Sawhtu Palestine Pa Meithal in an Kah| Video

| The Chin Journal | Hakha, Chin State

June 1 zinglei ah Israel ram Jerusalem Khuahlun ah Palestine pa nih Israel rammi pahnih namte in a sawh hna ruang ah cu pa cu Israel ralkap nih meithal in an kah, tiah theih a si.

West Bank ah a ummi kum 19 tlangval Palestine pa nih Israel rammi Meir Nachumberg (kum 16) le kum 47 a simi pa cu nam in a sawh hna.

Nam in a sawh hnanak hmun hi Jerusalem Khuahlun chung i Arab Market pawng ah a si.

Palestine pa cu Israel ralkap nih an dum i inn karlak lamton pakhat in a rak tlik lio ah meithal in an kah. Cuka hmun ah cun Palestine pa cu a nunnak a liam.

Namsawh a tongmi lak ah kum 16 pate hi a zualhma ngai. Asinain, atu ah cun dam lei a hun panh than cang tiah tuanvo ngeitu Hadar Elboim nih a chim.

Namsawh a tongmi kum 47 pa zong atu ah cun dam lei a panh ve cang. Atu bantuk in Palestine pawl nih mipi lak ah Israel rammi pawl namsawh hi thlatin ti awk in Israel ram ah a chuak.

-The Jerusalem Post

Latest News