Israel Nih Gaza ah Bomb Ruah a Surter Hnu Thil Sining| Video

| The Chin Journal | Hakha, Chin State

May 4 ah khan Hamas ralhrang nih an penmi Gaza Strip in Israel lei ah rocket bomb 430 leng an kah ruang ah Israel ralkap nih Gaza Strip chung i hmun 120 ah bomb ruah an surter ve.

Gaza ah a ummi Beersheba khua in Israel lei ah ralhrang nih rocket bomb pawl an rak kah hi a si i, Israel ramri hrawnghrang ah bomb cu an tla hna.

Ralhrang pawl kahmi bomb vialte lak ah 70% cu minung an um lonak hmun ah an tla. Asinain, 30% hrawng hi Israel rammi an umnak ah an tla i kum 67 a simi Israel rammi pakhat a nunnak a liam pin ah Jew Sianginn pahnih zong bomb nih a hrawh dih ve.

Israel ram runvengtu ralkap IDF nih lehrulnak an tuah colh i Hamas ralkap nih an hmanmi sehzung le inn paruk a hrawh. Cun, ralhrang pahnih le Palestine rammi 20 hrawng an nunnak a liam.

Israel nih Hamas lehrulnak ca ah Tank le Fighter vanlawng hmang in suimilam 24 chung bomb in an den ve hna hi a si.

-Jerusalem Post, The Guardian

Latest News