Irrawaddy Ramthen Vuancichoh SAC Doh ding in Hriam a Tlai

| The Chin Journal | Hakha, Chin State

Irrawaddy ramtthen vuancichoh a rak ttuanmi U Mann Johnny cu SAC ralhrang doh ding in KNU/KNLA sin ah hriam a tlai cang, tiah nihin August 28 ah a hmanthlak he Dawkalu Network nih an langhter.

Kum 70 leng a si cangmi U Mann Johnny hi 2016 in 2018 tiang Irrawaddy ramtthen vuancichoh a rak ttuan i pum ngandamlonak ruang ah vuancichoh rian in a rak i din.

Asinain, Irrawaddy ramtthen Hluttaw ah palai rian a tlai thotho. 2020 thimnak zong ah aa cuh tthan i Amyotha Hluttaw ah teinak a hmumi a si.

U Mann Johnnh hi NLD an rak dirhka tein a rak i tel cangmi upa pakhat a si.

Ramhruaitu MP le Chief Minister dang vialte ramdang ah an zaam dih lio ah kum upa lei a si nain hriam a tlaihmi an hmuh tik ah mipi nih an thangtthat ngaingai.

Latest News

News in Burmese