Iran Nu Pawl nih a Voi Khatnak Bik Bawlungpuai an Zoh| Video

| The Chin Journal | Hakha, Chin State

World Cup ah luh khawh nakding kee-hneksaknak puai cu October 10 ah Iran ram khualipi Tehran ah an tuah i Iran tuanbia ah nu pawl nih a voi khatnak bik bawlungchuih zohnak nawl an hmu.

Nizan puai ah Iran le Cambodia an i cil. Iran nu pawl cu Iran thantar i thlir in an rak chuak hna i Iran National Team cu fak piin thazaan an pek.

Nizan puai ah khuaruahar taktak in Iran nih Cambodia cu 14-0 bak in a tei. A tam taktak khi a si.

2022 ca World Cup luh khawhnak kee-hneksaknak puai ah Iran cu Iraq, Bahrain, Hong Kong le Cambodia he Group-C ah an i um tti hna i atu tiang ah cun Iran hi Group-C ah mark sang bik a hmumi a si.

https://youtu.be/noCxOAwv5jM

Iran bawlung certual chung ah pa pawl bawlung an chuihmi zoh ding in Iran nu pawl nawl an onh hna i aluancia kum 40 in atu hi a voi khatnak bik a si. Nu pawl a voi khatnak bik bawlung puai zoh an onh hna ni ah 14-0 bak in Iran nih teinak a hmuh ve hi a si.

Latest News