Iran nih US Ralkap Vanlawng Hmunkhuarnak Pahnih a Kah

| The Chin Journal | Hakha, Chin State

US nih Iran ralbawi Major General Qassim Suleimani a thah hnu January 8 ah Iran nih lehrulchamnak ah Iraq ram ah a ummi US ralkap vanlawng hmunkhuarnak pahnih a kah ve, tiah theih a si.

Iraq ram i US ralkap vanlawng hmun khuarnak Al Assad Air Base le Erbil khua ah a ummi US ralkap vanlawng hmunkhuarnak cu Iran nih a langhlat in Ballistic Missile 15 in a kah hna.

Iran nih a kahmi Ballistic Missile 15 chung ah 10 nih Al Assad Air Base a khen i, a dang pakhat nih Erbil ah a ummi US hmunkhuarnak a khen.

Iran nih hin Ballistic Missile 2,000 hrawng a ngeih rih khawh tiah US nih a zumh i, Middile East vawleitthen ah a ummi US ralkap pawl runvennak ttha tein ngeih awkah le ral a thawh sual ah ready in um ding in nawl an pek hna.

Iran nih Ballistic Missile in a kahmi US ralkap Air Base pawl ah rawhralnak zeitluk in a can timi le a thimi, hliamhma a pumi an um le um lo fiang in theih a si rih lo.

-Fox News

Latest News

News in Burmese