Iran nih Russia Journalist a Tlaih, Israel Spy a Si tiah Sual an Puh

| The Chin Journal | Hakha, Chin State

Iran cozah nih Russia Journalist Yulia Yuzik (38) cu Israel ralkap mingiatu/spy a si timi sualphawtnak in October 8 ah khan a tlaih, tiah theih a si.

Iran ram khualipi Tehran Airport a phak ah a visa an chuh i Visa phung na buar tiin aa thumhnak Hotel ah an vung tlaih.

Sihmanhsehlaw, Yulia vapa thing le a chungkharle nih, “Israel mingiatu na si tiah an tlaihmi a si,” tiah an chim.

“Iran cozah nih Israel cozah he rian nan tuan tti timi sualphawtnak in Yulia an tlaih i taza an cuai. Tutan Zarhte Ni ah biaceih zung chuahpi an timh,” tiah Yulia vapa thing Boris Voytsekhovskiy nih a chim.

Tlaih a tongmi Yulia hi Russia ramchung News Agency tampi he pehtlai in rian a ttuanmi a si.

Iran nih cun visa phungbuar ruang ah kan tlaih an ti nain adik le dik lo fiang in theih a si lo. Journalist Yulia tlaih a ton kong ah Russia ram Moscow ah a ummi Iran Ambassador zong Russia cozah nih thil sining fianter ding in an auh, tiah theih a si.

-The Times of Israel

Latest News