Insein Thonginn Thlacam Pumhnak ah Thongtla 400 Hrawng an i Tel Kho

| The Chin Journal | Hakha, Chin State

Yangon ramthen, Insein ah a ummi Khrihfa bu kip fonh bu (Insein Christian Interdenominational Council-ICIC) hruainak in October 6 ah Insein thonginn ah Pathian thangthatnak an ngeihpi hna i thongtla 400 hranwg an i tel kho, tiah tuanvo ngeitu nih The Chin Journal ah an chim.

ICIC nih Insein thonginn ah thlacamnak he an vung vehvat hna| Photo Courtesy-Pastor Charity Htoo

ICIC lei in aiawhtu minung 20 cu zinglei sml. 8:00 in Insein thonginn ah an kal i, thonginn tuanvo latu upa hna, thongtla hna he hmun khat ah rawldum tinak le Pathian thangthat tinak an tuah.

ICIC nih Insein thonginn ah thlacamnak he an vung vehvat hna| Photo Courtesy-Pastor Charity Htoo

ICIC tuanvo ngeitu Pastor Charity Htoo nih, “Khrihfa thongtla 300 leng le Khrihfa a si lomi thongtla an zapi fonh ah thongtla 400 hrawng an i tel kho hna. ICIC lei nih laksawng peknak tibantuk kan ngeih hna. Insein thonginn tuanvo ngeitu bik nih ICIC aiawhtu minung 20 cu zanriah zong aa kan dangh,” tiah a chim.

ICIC nih Insein thonginn ah thlacamnak he an vung vehvat hna| Photo Courtesy-Pastor Charity Htoo

ICIC lei nih thongtla Khrihfa pawl ca ah Khrihfa hlabu uk 8 zong an hlut hna i tukum December thla chung zong ah voi khat vung len rih ding in timhtuahnak an ngei, tiah theih a si.

Latest News