Inndot 10 in a Tlami Ngakchia Pa Zeihmanh aa Khawng Lo| Video

| The Chin Journal | Hakha, Chin State

Thailand ram, Nonthaburi district, Pakkret khua ah Condo inndot 10 in kum 4 ngakchia pa a tla i khawndennak pakhat hmanh a ton lo caah mizapi khuaruahar in an um.

October 3, zanlei sml. 7:30 hrawng ah khan Pakkret khua ah a ummi Condo inndot 10 in ngakchia pa cu a tla. A tlak lio cu CCTV zong ah a lang i pawngkam minung pawl in an zuan hnawh i an thawh.

Hi ngakchia pate hi Condo inndot 10nk ah a ummi innkhaan no. 10/02 thlalangawng in a tlak hi a si.

Inntang i lakphak dawr cabuai cung ah fak ngaiin a tla. Inntang i dawr ngeitu pa nih, “Dot 10 in thlak i zeihmanh i khawn lo cu bawmtu pakhatkhat an um caah a si lai,” tiah khuaruahhar in a chim.

Ngakchia pa hi meithat zung riantuantu pawl nih Royal Irrigation Department Hospital ah an kalpi i an check.

Cu dih cun Pakkret Hospital ah an kalpi than i an check than. X-Ray zong tha tein an thlak dih nain a ruh a kiakmi, a kami le a dangdang hliamhma a putmi pakhat hmanh an hmu lo.

Sihmanhsehlaw, inndot-10 in a tlak tik ah ngakchia pa zong lau tuk in a um i nihnih chung i sizung ah um rih ding in sibawite nih an fial hna, tiah theih a si.

-Thai News Agency

Latest News