Inn Dot 7 in a Tlami Myanmar Ngakchia Nute a Nunnak a Him

| The Chin Journal | Hakha, Chin State

Thailand ram, Kanchanaburi khua siizung a dot 7nk in Myanmar ngakchia nute aluanciami caan tlawmpal ah khan a tla. Asinain vanthat ah a nunnak a him.

Aluancia Feb. 11 ah Thialand mi pakhat nih a facebook ah”A tha bik” timi tlangtar in video file pakhat le catial a hun post. Cu video cu inn dot 7 in a tlami ngakchia nute siizung riantuantu nih an khamh lio a si.

Siizung dot 7nk in a tlami ngakchia nute hi kum 4 fai a si. Amah a zohkhenhtu minung pakhat he siizung ah sii aa thlopbul cuahmahmi hringtu a pa an rak vehvat lio ah innchung i a um tawnmi thilnung phunkhat im-hmraung (House Lizard) tlaih ding in a va dawi. Cu nakin cun, siizung a dot 7nk in a tla tiah Thai thawngzamhca pakhat nih a langhter.

A tlak lio ah hin vanthat ah siizung min ca an tarnak cafang cung ah a angki in aa bat. Siizung riantuantu le nurse pawl nih duhsah tein an hnuh i a nunnak an khamh khawh.

Ref: DVB

Latest News