Indonesia Runvengtu Vuanci Ralhrang Pa nih Nam in a Sawh| Video

| The Chin Journal | Hakha, Chin State

Indonesia ram Chief Security Minister Wiranto cu October 10 khual a tlawnnak ah ISIS ralhrang tiah lunghrinhmi minung pakhat nih nam in a sawh, tiah theih a si.

Vuanci Wiranto le a dang vuanci pathum cu October 10 ah Java tikulh, Pandeglang khua ah an tlawng i cu lio ah cun nam in sawh a ton hi a si.

Vuanci Wiranto cu motor chung in a vun chuah lecangka in minung pakhat nih nam in a rak sawh i motor pawng vawlei ah Wiranto cu a tlu.

“Minung pakhat nih a run fuh i nam in a sawh. Vuanci pa nam in a sawhtu hi ISIS ralhrang he pehtlaihnak ngeih dawh a si. Nu pakhat zong kan tlaih chih i biahalnak kan tuah lio,” tiah palik biachimtu Dedi Prasetyo nih a chim.

Vuanci Wiranto cu a paw ah nam in voi hnih sawh a tong i sizung ah thlopbulnak an tuah. Nunnak ca ah tih a nungmi hliamhma a pu lo, tiah palik nih an chim.

Vuanci pa nam in a sawhtu pa an tlaih. ISIS ralhrang he pehtlaihnak an ngei lai tiah an zumh. Nu pakhat zong an tlaih chih. Oct. 10, 2019

Sizung ah tlopbulnak an tuah dih lecangka in vuanci Wiranto cu Helicopter in Jakarta ah an lanhpi colh, tiah theih a si.

-CNA

Latest News