Indiana ah Mifir Nih Chinmi Inn an Bauh i Sui Le a Dang Thilri an Fir

| The Chin Journal | Hakha, Chin State

September 1 (US Date) ah Indiana ah a ummi Pu Pau Lam Piang te inn mifir nih an bauh i sui le a dang thilri pawl an fir hna, tiah theih a si.

Mifir nih inn an bauh hi Zarhpi zaan ah a si i, Pu Pau Lam Piang te nih an i ngeihchunhmi sui vialte an fir dih pin ah Lai Coat pakhat zong an kalpi.

Pu Pau Lam Piang nih, “Mifir pawl nih kan inn an rak boh i kan thil vialte an rak chuah dih. Zei dang thil cu an la dih lo nain kan ngeihchun Sui (Gold) cu a dihlak in an lak dih. Cun, Lai Coat pakhat an lak chih. I ralrin cio kan hau ko,” tiah a langhter.

September 1, Zarhpi Ni thotho ah Barkley Apartment ah a ummi Chinmi inn pakhat zong mifir nih an bauh, tiah Chin Community Indiana (CCI) nih a langhter.

Mifir pawl CCTV ah an langhmi a um nan hmuh a si ahcun CCI ah rak kan chim u, tiah thawngthanhnak an tuah chap.

Latest News