India Ram New Delhi Khua Hotel Meikanghnak Hmun ah Myanmar Nu Pahnih an Thi

| The Chin Journal | Hakha, Chin State

India ram New Delhi khua ah Hotel pakhat meikanghnak a hun chuak i Buddhist Pathian biak ding in a kalmi Myanmar nu pahnih meikanghnak in an thi, 1 hliamhma a tuar tiah Myanmar Embassy nih thawng a thanh.

Feb. 12, zinglei suimilam 4:30 hrawng ah New Delhi khua Arpit Hotel mei a kaang. Hotel ah a riakmi Myanmar nu 7 chung ah minung 2 an nunnak a liam.

A thimi hna hi Yangon ramthen, Taik-gyi khua um Daw Hla May (66) le Daw Mya Mya Htwe (44) an si. Hliamhma tuarmi pakhat cu Lady Hardinge siizung ah an kalpi.

Arpit Hotel meikanghnak ruang ah minung 17 an thi. A tam u cu Hotel i a riakmi khualtlung deuh hngawt an si. Buddhist Pathian biak ding in New Delhi a tlawngmi Myanmar Nu 7 zong an i tel, cu chung ah cun minung 2 an thih hi a si.

– DVB

Latest News