Illinois Inn Pakhat Chung ah Nausem Ruak 2,200 Leng an Hmuh

| The Chin Journal | Hakha, Chin State

US ram, Illinois ah a ummi inn pakhat chung ah nawlngeitu nih nausem ruak 2,246 an hmuh, tiah theih a si.

Hi inn hi September 3 ah a nunnak a liammi sibawi Dr. Ulrich Klopfer timi pa aumnak a si i, a thih hnu ah palik nih a inn an check tik ah atu bantuk in nausem ruak tampi an hmuh hi a si.

Dr. Klopfer hi kumtlinglo tleirawl nu ngakchia voi 2 nau a rak thahpiak hna ruang ah 2015 ah khan sibawi license an rak chuhmi a si.

Nausem voi 2200 leng a thahpiak hna tiah sualphawt a tongmi tleicia Dr. Ulrich Klopfer

Nausem miruak pawl an hmuhnak hmun hi Illinois State, Will County chung i Dr. Klopfer a umnak inn ah a si.

Dr. Klopfer hi Indiana ah a ummi South Bend, Fort Wayne le Gary khua pawl ah sii-inn a ngei hna i, cu sii-inn pawl ah cun nauthahnak a tuahpiak tawn hna, tiah NBC News nih a langhter.

Latest News