Htan Kung a Kaimi Pa a Tum Ngam Ti Lo Caah Meithat Zung a Chawnh Hna

| The Chin Journal | Hakha, Chin State

June 1 zinglei ah Hta-yi lak ding in Htan kung a kaimi pa cu amah tein a tum ngam ti lo caah meithat zung phone a chawnh hna, tiah theih a si.

Pakhuhku district, Yesakyu peng Ma-auk Seik khuate ah pa pakhat cu zinglei sml. 7:30 hrawng Hta-yi ding awk lak ding in Htan kung cu a kai.

Asinain, a tum lei ah amah tein a tum thiam ti lo. Meithat zung ah phone a chawnh hna i, “Htan kung in ka tum ngam ti lo, ka bawm u” tiah a ti hna.

Cucaah, meithat zung in riantuantu minung panga an ra i Htan kung cung ah thinpang in a rak ummi pa cu hlei an donh hnu ah an kai hnawh i an tumpi, tiah Myanmar meithat zung Facebook Page ah hmanthlak he an tarlangh.

Latest News