Hongkong Minthang Actor Mizapi Hmai Biachim Lio ah Nam in Sawh Tong| Video

| The Chin Journal | Hakha, Chin State

Hong Kong minthang ngai lemcang a simi Simon Yam (kum 64) cu puai pakhat i mizapi hmai bia a chim lio ah minung pakhat stage cung ah a rak kai in namte in voi tampi a sawh.

July 20 ah Tuluk ram, Zhongshan khua ah tuahmi Beijing Easyhome timi dawr onnak pua ah Simon Yam cu biachimnak a ngei i cu lio ah cun pa pakhat nih nam in a sawh hi a si.

Simon Yam i a manager Lester Mo Gee-man nih, “A paw le a baan ah hliamhma a pu. Sizung ah an thlop bul lio a si. Thihlohnak tiang a chuahpi khomi hliamhma cu a pu lo,” tiah a chim.

Nam in a sawhtu pa nih voi tampi a sawh len nain voi 2 lawng a khen. Nam in a sawhtu pa cu palik nih an tlaih cang.

Asinain, zei ruang ah dah atu bantuk in mizapi hmaika ah nam in a sawh timi fiang in palik nih an langhter rih lo.

-CNA

Latest News